-गङ्गा आचार्य
उनको र मेरो परिचय भएको धेरै समय भएको थिएन।तर उनको व्यबहारबाट प्रभावित थिएँ म । दिदी सम्बोधन गर्थिन मलाई । म नामले नै बोलाउँथे । उसैपनि प्यारो थियो उनको नाम ञज्ञानिझ । उनी केही दिनदेखी बिरामी छिन् भन्ने थाहा पाएपछि म भेट्न् गएँ । सत्कारका साथ बस्न आग्रह गरियो मलाई ।
बिछ्यौनामा सिरानीको आड लगाएर बसेकी ज्ञानि कमजोर देखिन्थिन्।छोराछोरी वरिपरि बसेर पुराना कुरा र चुट्किला सुनाउदै खुशी पार्ने प्रयत्न गर्दै्थिए । फिका हाँसेर भएपनि साथ दिदै थिइन् उनी । मैले उनको स्वास्थ बारे सोधेँ । उनका श्रीमानले बडो प्रेमपुर्वक उनका हात सुम्सुमाउँदै बोल्दैगए । ज्ञानि तिम्ले आफ्नो आत्मबल बलियो बनाउनुपर्छ । तिम्लाई छिटो निको हुन्छ । नआत्तिइ अझै केहिदिन आराम गर्नुपर्छ । औसधि र खानपानमा पुरै ध्यान दिनुपर्छ।शरीर छ र पो दुनियाँ छ । तिमी छ्यौ र हामी छौँ । हेरत कति सुन्दर छन् हाम्रा प्रेमका प्रतिक । कति उज्यालो छ हाम्रो संसार । तिम्रो दर्द बिसाउने मेरो छाती छ। यसरी उनका श्रीमान बोलिरहदा सायद रोक्दारोक्दै पनि मोति गुल्ट्याइन् ज्ञानिले आँखाबाट । आफ्ना प्रेमका निशानीमा नजर घुमाइन् । यतिखेर सबैका आँखा रसाएका थिए।मेरो त हृदय नै रसायो ।
त्यसैबेला ज्ञानिको मोबाइलको घण्टी बज्यो, लगातार बजिरह्यो । आवाज ठुलो पारिन् उनले । महिलाको आवाजमा सवाल थियो । के गर्दैछ्यौ ज्ञानि आजभोलि ? के गरेर बित्दैछन् दिन ? ज्ञानिले आफ्नो स्थितिलाई सामान्य पार्दै सुमधुरताका साथ बोलिन् । जीवनमा आर्जन गरेका बहुमुल्य चिज मायाप्रेममा चुर्लुम्ब डुबेर पढ्दैछु यतिबेला जिन्दगी । खै के बुझिन् ती महिलाले फोन राखिन् ।ज्ञानिको जबाफको गहिराईले भावुक भएकी म अकस्मात बोलिछु।हो ज्ञानि जीवनमा त्यो भन्दा ठुलो उपलब्धि के हुनसक्छ ? झसङ्ग परेँ , सपनामा पो रहेछु । तापनि कानमा गुन्जिरहेको थियो उहि सुमधुर आवाज। जीवनमा आर्जन गरेका बहुमुल्य चिज मायाप्रेममा चुर्लुम्म डुबेर पढ्दैछु यतिबेला जिन्दगी ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies