बर्दिया : बर्दियाको गेरुवा गाउँपालिकामा विपद् प्रतिकार्य पूर्वतयारी योजना अद्यावधिक कार्यशाला सम्पन्न भएको छ ।
स्थानीय स्तरमा विपद् जोखिम न्यूनीकरण, प्रभावकारी पूर्वतयारी, तथा समन्वयपूर्ण प्रतिकार्य क्षमता विकास गर्न ’विपद पूर्वतयारी, उत्थानशिलता तथा सबलिकरण (प्रयास)’ परियोजनाको सहकार्यमा कार्यशालाको आयोजना गरिएको हो ।
दुई दिनसम्म सञ्चालन भएको कार्यशालामा स्थानीय तहका जनप्रतिनिधि, पालिका स्तरीय विपत व्यवस्थापन समितिका पदाधिकारी, विषयगत शाखाका प्रमुखहरु र नेपाल रेडक्रस सोसाईटी उपशाखा गेरुवा र प्रहरीको, सक्रिय सहभागिता रहेको थियो ।
कार्यशालामा सहभागीहरूले हालसम्म गाउँपालिकामा भएका विपद् जोखिमहरू, स्रोत–साधनहरूको अभाव, सामुदायिक सतर्कता र उद्धार क्षमताका विषयमा छलफल गर्दै आगामी योजना अद्यावधिक गर्न मस्यौदा तयार गरेका छन् ।
कार्यशालाबाट मस्यौदाको रुपमा तयार गरिएको मस्यौदाले पूर्णता पाएपछि आपत्कालीन अवस्थाहरूमा तत्काल र समन्वयात्मक रूपमा प्रतिकार्य गर्न पालिकालाई सहयोग पु¥याउने विश्वास गाउँपालिकाले लिएको छ ।
