काठमाडौं : प्रतिनिधिसभा बैठक स्थगित भएको छ । बैठक सूचना टाँस गरेर भोलि दिउँसो १ बजेसम्मका लागि स्थगित गरिएको संसद सचिवालयले जनाएको छ ।
विपक्षी दलले गृहमन्त्री रमेश लेखकको राजीनामा माग्दै बैठक अवरुद्ध गर्दै आएका छन् ।
भिजिट भिसा प्रकरणमा गृहमन्त्रीको संलग्नता रहेको भन्दै विपक्षी दलहरुले मन्त्री लेखकको राजीनामा र छानबिन समिति नबनेसम्म बैठक बस्न नदिने बताउँदै आएका छन् ।
आज दिउँसो बसेको बैठक पनि विपक्षी दलहरुले गृहमन्त्री लेखकको राजीनामा माग्दै अवरुद्ध गरेपछि आधा घण्टाका लागि स्थगित भएको थियो ।
विपक्षीसँग सहमति हुन नसक्दा बैठक फेरि बस्न सकेन ।
