काठमाडौं : गृह मन्त्रालयका सहसचिव तीर्थराज भट्टराईलाई अख्तियार दुरुपयोग अनुसन्धान आयोगले भोलि उपस्थित हुने गरी छाडेको छ ।
भट्टराईलाई अख्तियार दुरुपयोग अनुसन्धान आयोगले अनुसन्धानका लागि बुधबार दिउँसो नियन्त्रणमा लिएको थियो । अख्तियारले उनलाई बिहीबार आयोगमा उपस्थित हुन निर्देशन दिएको छ ।
भिजिट भिसाको नाममा मानव तस्करीमा संलग्न समूहसँग मिलेमतो गरी नेपाली नागरिकलाई विदेश पठाएको आशंकामा भट्टराईमाथि अनुसन्धान सुरु गरिएको छ ।
त्रिभुवन अन्तर्राष्ट्रिय विमानस्थल कार्यालयका प्रमुख अध्यागमन अधिकृत रहेका भट्टराईलाई गृह मन्त्रालयले मंगलबार साँझ आकस्मिक रूपमा सरुवा गरेको थियो । त्यसको भोलिपल्ट, बुधबार, अख्तियारले उनलाई विमानस्थलस्थित कार्यालयबाटै नियन्त्रणमा लिएको हो ।
.jpeg)
