काठमाडौं : कश्मीरको पहलगाममा आतंकवादी आक्रमणमा मारिएका सुदीप न्यौपानेको परिवारलाई नेपालका लागि भारतीय राजदूत नवीन श्रीवास्तवले भेटेका छन् ।
श्रीवास्तवले आइतबार बुटबल पुगेर न्यौपानेको परिवारलाई भेटेर समवेदना व्यक्त गरेका हुन् ।
भेटमा उनले आतंकवादविरुद्धको लडाईं र पहलगाम आतंकवादी हमलाका दोषीहरूलाई न्यायको कठघरामा ल्याउन भारत सरकार दृढ प्रतिबद्ध रहेको आश्वासन दिए ।
बुटवल–११ कालिकानगरका सुदीपको १० वैशाखमा पहलगाममा आतंकवादी आक्रमणमा परेर मुत्यु भएको थियो ।
