गोदावरी (ललितपुर)– प्रधानमन्त्री केपी शर्मा ओलीले संविधान संशोधनको प्रक्रिया छिट्टै सुरु गर्ने बताएका छन् ।
गोदावरीमा जारी दोस्रो विधान महाधिवेशनमा प्रस्तुत राजनीति प्रतिवेदनमाथि प्रतिनिधिले उठाएका प्रश्नको जवाफ दिदैं कांग्रेस–एमालेबीचको सहमति अनुसारै संविधान संशोधनको काम अघि बढ्ने बताएका हुन् ।
गत वर्ष १७ असारमा कांग्रेस–एमाले गठबन्धन बन्दा संविधान संशोधनलाई मुख्य मुद्दा बनाइएको थियो । ‘सरकारले अहिले देखिएको शासकीय स्वरुप, निर्वाचन प्रर्णाली र संविधान कार्यान्वयन र्गे सन्दर्भमा देखा परेका बाधाहरुलाई फुकाउनका निम्ती संशोधनको अपरिहार्यता भएकाले संविधान विद र कानून विदहरु संम्मीलित विज्ञ समुह गठन गरी संविधान संशोधन प्रक्रिया अघि बढाइने छ’, प्रधानमन्त्री ओलीले भने, ‘संविधान र कानून क्षेत्रका वित्रहरुको सुझावका आधारमा सरकारले संविधान संशोधनको प्रक्रिया अघि बढाउने छ ।’
प्रधानमन्त्री ओलीले अब हुने संविधान संशोधन प्रक्रिया यसअघिको जस्तो जनस्तरमा पुगेर सुझाव संकलनका आधारमा नगरिने पनि बताए ।
