काठमाडौं : गरिमा विकास बैंक ‘द बेस्ट बैंक’ अवार्डबाट सम्मानित भएको छ । गरिमा इन्डियन च्याम्बर अफ कमर्सले बैंक तथा वित्तीय संस्थालाई प्रदान गर्ने दक्षिण एसियाकै प्रतिष्ठित अवार्ड इमर्जिङ एसिया बैंकिङ कनक्लेभ एन्ड अवार्डबाट सम्मानित भएको हो ।
अगस्ट २९, २०२५ मा इन्डियन च्याम्बर अफ कमर्सले भारतको नयाँ दिल्लीमा आयोजना गरेको तेस्रो इमर्जिङ एसिया बैंकिङ कनक्लेभ एन्ड अवार्डस् कार्यक्रममा विकास बैंक द बेस्ट बैंक र बेस्ट एआई–इम्प्लिमेन्टेसन विधामा उत्कृष्टसहित बेस्ट एमएसएमई एसेसलेसन विधामा रनर अपको अवार्ड प्राप्त गरेको हो । यस अवार्डमा नेपालसहित भारत, बंगलादेश, म्यानमार र श्रीलंकामा रहेका बैंक तथा वित्तीय संस्थाहरूको सहभागिता रहेको थियो ।
शुक्रबार आयोजित सो कार्यक्रममा गरिमा विकास बैंकका तर्फबाट प्रमुख कार्यकारी अधिकृत माधवप्रसाद उपाध्याय र नायब प्रमुख कार्यकारी अधिकृत अनिल रेग्मीले संयुक्त रूपमा सो अवार्ड ग्रहण गरेका हुन् ।
