काठमाडौं : सामसङले दसैंलाई लक्षित गर्दै नयाँ उपभोक्ता अफर ‘दिनदिनै दसैं’ सार्वजनिक गरेको छ । २०२५ सेप्टेम्बर १ देखि २८ सेप्टेम्बरसम्म अर्थात् एक महिनासम्म लागू हुनेगरी कम्पनीले सो अफर ल्याएको हो ।
यस अवधिमा नयाँ सामसङ स्मार्टफोन वा ट्याबलेट खरिद गर्ने ग्राहकहरूले आकर्षक उपहार जित्ने अवसर पाउनेछन् ।
सहभागी हुन, ग्राहकले आफ्नो नयाँ सामसङ डिभाइसको सिरियल नम्बर लेखी ३५००१ मा एसएमएस पठाउनुपर्नेछ । सफल रूपमा एसएमएस पठाएपछि ग्राहकले तुरुन्तै दर्ता भएको पुष्टीकरण सन्देश प्राप्त गर्नेछन् ।
यस अफरअन्तर्गत हरेक दिन ११ जना विजेता चयन गरिनेछन् । तीमध्ये एक जना भाग्यशाली विजेताले १ लाखबराबरको भाटभटेनी सपिङ भौचर प्राप्त गर्नेछन् भने अन्य १० जनाले १० हजारबराबरको सपिङ भौचर जित्नेछन् । यसरी चाडपर्वको तयारीमा आर्थिक सहजता प्रदान गर्ने उद्देश्यले अफर ल्याइएको हो । सामसङ नेपालका निर्देशक प्रणयरत्न स्थापितका अनुसार यस अफरले दसैंको उमंगलाई अझ विशेष बनाउनुका साथै ग्राहकसँगको सम्बन्धलाई थप बलियो बनाउनेछ ।
विजेताहरूको सिरियल नम्बर सामसङ नेपालका आधिकारिक फेसबुक पेजमार्फत सार्वजनिक गरिनेछ । ‘दिनदिनै दसैं’ अफर सामसङका आधिकारिक विक्रेताहरू तथा ई–कमर्स प्लेटफर्ममार्फत नेपालभर उपलब्ध छ, जसले उपभोक्तालाई सहज रूपमा सहभागी हुने अवसर प्रदान गर्छ ।
