काठमाडौं : सानिमा बैंकका ग्राहकले बस सेवाको टिकटमा छुट पाउने भएका छन् । बैंकले आफ्ना ग्राहकलाई डिजिटल बैंकिङका माध्यम प्रयोग गरी डिजिटल भुक्तानी प्रोत्साहन गर्न बससेवासँग आकर्षक क्यासब्याकको व्यवस्था गरेको हो ।
सो व्यवस्थाअन्तर्गत ग्राहकले सानिमा भिसा डेबिट/क्रेडिट कार्डमार्फत अनलाइन भुक्तानी गरी बससेवाबाट नेपालभरिको बस टिकटको खरिद गर्दा १५ प्रतिशत वा अधिकतम २ सय रुपैयाँसम्म क्यासब्याक प्राप्त गर्नेछन् । त्यस्तै, भारतको बस टिकटको खरिदमा १५ प्रतिशत वा अधिकतम ४ सय रुपैयाँसम्मको क्यासब्याक प्राप्त गर्न सक्ने बैंकले जनाएको छ ।
सो योजना भदौ १५ देखि आगामी फागुन १४ गतेसम्मका लागि लागू हुने बैंकले जनाएको छ । छुटको विस्तृत विवरण बैंकको वेबसाइटबाट हेर्न सकिने बैंकले उल्लेख गरेको छ ।
