काठमाडौंः मङ्गोलियाली भूभागको लगभग ४६ प्रतिशतले गर्मीयाममा खडेरी भोगेको छ ।
राष्ट्रिय मौसम विज्ञान तथा वातावरणीय अनुगमन निकायले यसबारे जानकारी गराएको हो । हाल देशका १५ प्रान्तका कम्तिमा ६२ वटा सोम (प्रशासनिक उपविभाग) मा खडेरी परेको छ ।
विज्ञहरूका अनुसार मङ्गोलियाली स्टेप्पेले नकारात्मक जलवायु परिवर्तनको प्रभावको सामना गरिरहेको छ । जसले खडेरी, कठोर जाडो, धुलो आँधी र मरुभूमिकरण जस्ता चरम मौसमी घटनाहरूको परिणामस्वरूप महत्त्वपूर्ण जोखिमहरू निम्त्याएको छ । मङ्गोलियामा लामो, चिसो जाडो र छोटो गर्मी भएको चरम महाद्वीपीय जलवायु छ ।
