काठमाडौंः राहदानी वितरणको काम अनिश्चित कालका लागि बन्द भएको छ । राहदानी विभागको विद्युतीय राहदानी प्रणालीमा समस्या आएपछि २ दिनदेखि ठप्प रहेको वितरणको प्रक्रिया अनिश्चित कालका लागि बन्द भएको हो ।
विभागले आज सबै जिल्ला प्रशासन कार्यालयहरुलाई परिपत्र जारी गर्दै राहदानी प्रणालीमा आएको समस्या समाधानको प्रक्रिया अघि बढिसके पनि आगामी आइतबारसम्म वितरण रोकिने जनाएको हो । परिपत्रअनुसार समस्या समाधान भए वितरणको काम सोमबार देखि सुचारु हुनेछ ।
