.png)
रौतहट : रौतहटको माधवनारायण नगरपालिकामा शनिबार आयोजित बृहत् निःशुल्क आँखा शिविर सफलतापूर्वक सम्पन्न भएको छ । रूइत फाउन्डेसनको सहयोग तथा नेपाल नेत्रज्योति संघ, गौर आँखा अस्पतालको आयोजनामा सेवा निवृत्त कर्मचारी संघको पहलमा शिविर सञ्चालन गरिएको हो ।
वडा नम्बर ६ स्थित द लिटल न्यू स्टार बोर्डिङ स्कुलको प्रांगणमा भएको शिविरमा ३ सय ६१ जनाले सेवा लिएका थिएका छन् । जसमा २ सय ५१ महिला र १ सय १० पुरुष रहेका छन् । परीक्षणका क्रममा मोतियाविन्दुसहित गम्भीर समस्या देखिएका १ सय १३ जनालाई शल्यक्रियाका लागि छनोट गरिएको छ ।
शिविरमा १ सय ६८ जनालाई निःशुल्क औषधि र १ सय २७ जनालाई निःशुल्क चश्मा वितरण गरिएको थियो । शल्यक्रियाका लागि छनोट भएका बिरामीलाई आइतबारदेखि मंगलबारसम्म गौर आँखा अस्पतालमा निःशुल्क यातायात, उपचार, आवास र शल्यक्रिया सुविधा उपलब्ध गराइने आयोजकले जनाएको छ ।
स्थानीयस्तरमै यस्तो सेवा पाउँदा वृद्धवृद्धा तथा आर्थिक रूपमा कमजोर नागरिकहरू खुसी देखिएका छन् । सामाजिक उत्तरदायित्व वहन गर्दै गरिएको यस पहलको स्थानीयले प्रशंसा गरेका छन् ।
.jpg)
.jpg)
