बर्दिया : बर्दियाको राजापुर नगरपालिकाका संकटासन्न तथा पछाडि पारिएका समुदायका बालिकाहरुलाई साइकल सहयोग गरिएको छ । राजापुर नगरपालिकाको समन्वय तथा प्लान इन्टर नेशनल नेपाल र बाँके युनेस्को क्लवको साझेदारीमा सञ्चालित सुरक्षा परियोजना अन्तरगत साइकल सहयोग गरिएको हो ।
परियोजना लागु भएका विद्यालयमा अध्ययनरत प्लान प्रायोजित अतिविपन्न, मुस्लिम दलित संकटासन्न र पछाडि पारिएका समुदायका बालिका लाई साईकल सहयोग गरिएको हो । एक कार्यक्रमकाबीच राजापुर नगरपालिकाकी उपप्रमुख मनकला कुमारी चौधरीले २ लाख ८० हजार २ सय ४० रुपैयाँ बराबरको साइकल ३१ जना बालिकाहरुलाई प्रदान गरिन् ।
बालिकाहरुको शिक्षामा पहुँच बढाउनुका साथै विद्यालयमा टिकाइ राख्न र विद्यालयमा निरन्तरता बढाउने उद्देश्यका साथ उनीहरुलाई साइकल सहयोग गरिएको परियोजनाले जनाएको छ ।
.jpeg)
