प्यूठान : लुम्बिनी प्रदेशअन्तर्गत २ जिल्लाका पत्रकारहरूलाई समाचार लेखन र न्यु मिडियासम्बन्धी तालिम दिइएको छ । लुम्बिनी प्रदेश सरकारको आन्तरिक मामिला तथा कानुन मन्त्रालयको आर्थिक सहयोग तथा नेपाल पत्रकार महासंघ लुम्बिनी प्रदेशको आयोजनामा आइतबारदेखि प्यूठानको स्वर्गद्वारी नगरपालिका-३ जुलकेमा तालिम सुरु भएको हो ।
तालिममा रोल्पा र प्युठान जिल्लामा कार्यरत ३० जनाभन्दा बढी क्रियाशील पत्रकारहरूको सहभागिता रहेको छ । समाचार लेखन र न्यु मिडियासम्बन्धी तालिम सुरु गरिएको नेपाल पत्रकार महासंघ लुम्बिनीका उपाध्यक्ष रामप्रसाद आचार्यले जानकारी दिए । तालिममा चेतन अधिकारी र माधव अर्याललगायतले प्रशिक्षण दिनेछन् ।
