रौतहट : रौतहटको यमुनामाई गाउँपालिकामा एक विद्यालयका शिक्षकले विद्यालय व्यवस्थापन समितिका अध्यक्षलाई कुटपिट गरेको आरोप लागेको छ ।
गाउँपालिका–५, झुनखुनवामा रहेको श्री यमुनामाई माध्यमिक विद्यालयका व्यवस्थापन समितिका अध्यक्ष राम विश्वास राय यादवमाथि शिक्षक मदन साह र उनका छोरा विवेक साहले कुटपिट गरेको आरोप लागेको हो ।
अध्यक्ष यादवले विद्यालयमा भएको हिनामिना, आर्थिक अनियमितता सम्बन्धमा सोधपुछ गरेको विषयलाई लिएर बुधबार गाउँकै चोकतिर जाने क्रममा बन्दी बनाइ साहका बाबु छोराले कुटपिट गरेको बताए । उनले कुटपिटमा संलग्नलाई कारबाहीको माग गरेका छन् ।
