काठमाडौँ : स्वास्थ्य तथा खाद्य स्वच्छता मन्त्री निशा मेहतासँग नेपालका लागि मित्रराष्ट्र गणतन्त्र कोरियाका नवनियुक्त राजदूत महामहिम पार्क जे क्युङले आज शिष्टाचार भेट गरेका छन् । भेटवार्तामा दुई देशबीचको घनिष्ठ सम्बन्ध र आपसी सहकार्यलाई थप सुदृढ बनाउने विषयमा विस्तृत छलफल भएको छ ।
भेटका क्रममा मन्त्री मेहताले भोटेकोशी बाढीबाट प्रभावित क्षेत्रको उद्धार तथा राहत कार्यमा कोरिया सरकारले पुर्याएको महत्त्वपूर्ण सहयोगप्रति धन्यवाद व्यक्त गरिन् ।
नेपालको स्वास्थ्य क्षेत्रका प्राथमिकताका क्षेत्रहरूमा सहकार्य विस्तार गर्ने बारेमा महत्त्वपूर्ण कुराकानी भएको थियो । जसमा कोरियामा रहेका नेपाली नागरिकहरूको स्वास्थ्य उपचार, मेडिकल टुरिजम, स्वास्थ्य बिमा, डिजिटल हेल्थ, नसर्ने रोगको व्यवस्थापन, रेडियसन थेरापी सेवा र देशका अस्पतालहरूको सुदृढीकरण लगायतका विषयहरू समेटिएका थिए ।
छलफलका दौरान नवनियुक्त राजदूत पार्कले नेपाल सरकारले राखेका स्वास्थ्यसम्बन्धी प्राथमिकताका क्षेत्रहरूमा सहयोग तथा साझेदारी गर्न गणतन्त्र कोरिया सदैव तत्पर रहेको दृढ प्रतिबद्धता व्यक्त गरेका छन् ।
.jpg)
.jpg)
