काठमाडौंः काठमाडौंको गोकर्णेश्वरमा एक महिलामाथि खुकुरी प्रहार भएको छ । बिहीबार बिहान सवा ११ बजेतिर गोकर्णेश्वर नगरपालिका–७ शिवचोक बस्ने ५१ वर्षीया सीतादेवी पन्तमाथि खुकुरी प्रहार भएको हो ।
काभ्रेको चौरीदेउराली गाउँपालिका–८ घर भएकी पन्तमाथि खुकुरी प्रहार गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा सिन्धुपाल्चोकको बाह्रबिसे नगरपालिका–६ घर भएका ३७ वर्षीय कर्णबहादुर तामाङ पक्राउ परेका छन् ।
तामाङले मदिरा सेवन गरी पन्तको कोठामा गएर खुकुरी प्रहार गरेको बताइएको छ । खुकुरी प्रहार गर्नुको यकिन कारण भने खुल्न सकेको छैन । तामाङलाई जिल्ला प्रहरी परिसर भद्रकाली पठाइएको भने खुकुरी प्रहारबाट घाइते भएकी पन्तलाई उपचारका लागि शंकरापुर अस्पताल नारायणटार पठाइएको प्रहरीले जनाएको छ । पन्तको टाउको र दाहिने हातमा चोट लागेको छ ।
.jpg)
.jpg)
