२०८२ भदौ १५ गते आइतवार / Aug 31 , 2025 , Sunday
२०८२ भदौ १५ गते आइतवार
Ads

प्रधानमन्त्री ओली चीनमा, आजै राष्ट्रपति सीसँग भेटवार्ता गर्ने

shivam cement
मध्यान्ह
२०८२ भदौ १४ गते १५:०९
प्रधानमन्त्री ओली चीनमा, आजै राष्ट्रपति सीसँग भेटवार्ता गर्ने

काठमाडौँ : प्रधानमन्त्री केपी शर्मा ओली शांघाई सहयोग संगठन (एससिओ)को शिखर सम्मेलनमा भाग लिन चीन पुगेका छन् ।

मित्रराष्ट्र चीनका राष्ट्रपति सी चिनफिङको मैत्रीपूर्ण निमन्त्रणामा नेपाली प्रतिनिधिमण्डलको नेतृत्व गर्दै प्रधानमन्त्री ओली स्थानीय समय अनुसार दिउँसो ३:१५ बजे हिमालय एयरलाइन्सनको विशेष विमानमार्फत थियानजिन विनहाइ अन्तर्राष्ट्रिय विमानस्थलमा पुगेका हुन् ।

उनलाई थियानजिन विनहाइ अन्तरराष्ट्रिय विमानस्थलमा चीनका लागि नेपालका राजदूत कृष्णप्रसाद ओली, नेपालका लागि चीनका राजदूत छन सङ,चीनको परराष्ट्र मन्त्रालयका उच्च अधिकारीले स्वागत गरेका थिए । 

ओली र चिनियाँ राष्ट्रपतिबिच आजै भेटवार्ता हुने तयारी रहेको प्रधानमन्त्रीको सचिवालयले जनाएको छ । यसैगरी प्रधानमन्त्री ओलीले सेप्टेम्बर ३ मा बेइजिङमा आयोजना हुने ८०औँ वार्षिकोत्सवका स्मृति कार्यक्रममा सहभागिता जनाउने भ्रमणको कार्यतालिकामा उल्लेख छ ।

ADV

सम्बन्धित खबर

Advertise