२०८२ भदौ १३ गते शुक्रवार / Aug 29 , 2025 , Friday
२०८२ भदौ १३ गते शुक्रवार
Ads

१८ गोरुसहित ट्रक नियन्त्रणमा, चालक पक्राउ

shivam cement
विनोद निगम
२०८२ भदौ १३ गते १३:०४
१८ गोरुसहित ट्रक नियन्त्रणमा, चालक पक्राउ

नवलपरासी : पश्चिम नवलपरासी प्रहरीले १८ वटा गोरुसहित एक ट्रक नियन्त्रणमा लिएको छ । नियन्त्रणमा लिइएका गोरुमध्ये एक मृत भेटिएको र बाँकीलाई अमानवीय तरिकाले लैजाँदै गरिएको प्रहरीले जनाएको छ ।

बिहीबार राति करिब २ बजे बर्दघाट नगरपालिका–४ टीसीएन चोकमा इलाका प्रहरी कार्यालय बर्दघाटबाट खटिएको टोलीले पश्चिमबाट पूर्वतर्फ जाँदै गरेको ना ६ ख ९१७७ नम्बरको ट्रक चेकजाँच गर्दा गोरु फेला पारेको हो ।

उद्धार गरिएका १७ जीवित गोरुलाई सोही दिन दिउँसो सुनवल नगरपालिका–३ किर्तिपुरस्थित कामधेनु गौशालामा राखिएको प्रहरीले जनाएको छ । मृत गोरुलाई भने पशु चिकित्सकको उपस्थितिमा कानुनी प्रक्रिया पूरा गरी व्यवस्थापन गरिएको छ ।

सो घटनामा संलग्न ट्रक चालक मकवानपुर हेटौंडा उपमहानगरपालिका–१९ का २८ वर्षीय तोयनाथ शिवाकोटीलाई प्रहरीले नियन्त्रणमा लिएको छ । उनलाई मुलुकी अपराध संहिता २०७४ अन्तर्गत पशुपन्छीसम्बन्धी कसुरमा म्याद थप गरी अनुसन्धान भइरहेको जिल्ला प्रहरी कार्यालय पश्चिम नवलपरासीका सूचना अधिकारी डिएसपी वीरदत्त पन्तले जानकारी दिए ।

ADV

ताजा खबर

सम्बन्धित खबर

Advertise