काठमाडौंः गाजा स्वास्थ्य अधिकारीहरूकाअनुसार गाजामा अनिकाल र कुपोषणका कारण दर्जनौं मानिसहरूको मृत्यु भएको छ । इजरायलले गाजामा ११० मानवीय सहायता प्याकेजहरू हवाई मार्गबाट खसालिएको बताएको छ ।
यसले स्थानीय निजी व्यापारीहरूमार्फत गाजामा केही सामानहरू प्रवेश गर्न पनि अनुमति दिनेछ । यद्यपि संयुक्त राष्ट्र संघले चेतावनी दिएको छ कि प्यालेस्टाइनको एन्क्लेभमा अनिकाल फैलिरहेको छ । यसैबीच खाना खोज्दा ठूलो संख्यामा मानिसहरू मारिने र घाइते हुने गरेको रिपोर्ट गरिएको छ ।
अक्टोबर ७, २०२३ देखि इजरायली आक्रमणबाट गाजा पट्टीमा मृत्यु हुने प्यालेस्टिनीहरूको संख्या ६१ हजार २० पुगेको छ भने अन्य १ लाख ५० हजार ६७१ जना घाइते भएका छन् ।
.jpg)
