बर्दिया : नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले सत्य निरूपण तथा मेलमिलाप र बेपत्ता पारिएका व्यक्तिको छानबिन आयोग २ महिनाभित्रै बन्ने बताएका छन् ।
हुलाकी राजमार्ग केन्द्रित जनतासँग माओवादी तराई–मधेस जागरण अभियानअन्तर्गत शुक्रबार बर्दियाको मधुवन नगरपालिकामा आयोजित खबरदारी सभामा उनल भने, ‘मेरै नेतृत्वको सरकारले शान्ति प्रक्रियाका बाँकी काम टुंग्याउनका लागि विधेयक पारित गरेको थियो ।
प्रतिनिधिसभा र राष्ट्रिय सभाबाट मैले आफैँले कार्यदल बनाई राजनीतिक सहमति बनाएर दुबै सदनबाट त्यो पारित भएको छ र अब सत्य निरूपणसँग सम्बन्धित आयोग र बेपत्ता नागरिकसँग सम्बन्धित आयोग छिट्टै बन्दैछन् ।
उनले आयोग गठन गर्न सिफारिस समिति पनि बनिसकेकाले अब २ महिनाभित्रै आयोग बन्ने बताए । आयोग बनेपछि शहीद, बेपत्ता, घाइते, अपाङ्ग तथा जेलनेल बसेका सबै साथीहरूलाई राहत हुने उनको भनाइ छ ।
.jpg)
.jpg)
