–रामहरि पौडेल
तिमीलाई हजार प्रहार गरेँ
क्षत विक्षत पारेँ
हे मेरी माता
मलाई अझैं वात्सल्य दिई रहेकी छौ
वायुमण्डल बिशाक्त पारेँ
गंगा हत्या गरें
तरपनि मलाई बचाइ रहेकी छौ
माटोमा लहलहाउँदा मुनाहरू
निमठेर फ्याकेँ
र खडा गरेँ
सिमेन्टको जंगल र पिच सडकहरू
पानीबा खोला,काल्थुम्के
सरकाली पाखा र चम्पादेवी डाँडा
मैले टेकेको छैन
हरिया स्याउला र घाँस देखेको छैन
तरपनि प्रत्येक बिहान
मेरो घरमा
दूध पठाइदिइ रहेकी छौ
दशकौं अघि
डोल्लू मूलमा
गोगन रोप्ने अभियान चलाएकै कारण होला
बलधारा र तिरतिरे धारा
धाउनु परेको छैन
चोटा वुँइगेलमा
पानी पठाइँरहेकी छ्यौं
थापचिनीयाँ, पोख्रेली, मार्सी
फलामे र ताइचिन
कसकहाँ साट्ने ?
कुन बीऊ छर्ने ?
अहिले, मेरो मटानको बहस छैन
तर, हे धर्ती माता
मलाई
भरपेट भात खुवाइरहेकी छौ
आनन्दसाथ बचाइरहेकी छौ ।।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies