काठमाडौं : नेपालले आईसीसी पुरुष क्रिकेट विश्वकप लिग-२ अन्तर्गत अन्तिम खेलमा ओमानविरुद्ध जित हात पारेको छ ।
सोमबार भएको खेलमा नेपालले ओमानलाई १० रनले पराजित गरेको हो ।
नेपालले दिएको २८१ रनको लक्ष्य पछ्याएको ओमानले निर्धारित ५० ओभरमा ७ विकेट गुमाएर २७० रन मात्र बनाउन सक्यो ।
ओमानका जतिन्दर सिंहले ११४ बलमा ८९ रन बनाए भने हम्माद मिर्जाले ९७ बलमा ८७ रन जोडे ।
नेपालका लागि ललित राजवंशी र दीपेन्द्रसिंह ऐरीले २-२ विकेट लिए । सन्दीप लामिछाने र नन्दन यादवले एक-एक विकेट लिए ।
टस जितेर पहिले ब्याटिङ गरेको नेपालले ५० ओभरमा सबै विकेट गुमाएर २८० रन बनाएको थियो । नेपालका लागि रोहित पौडेलले सर्वाधिक ८० रन बनाए । उनले ८१ बलको सामना गरेका थिए ।
.jpg)
.jpeg)
.jpg)
