काठमाडौँ : काठमाडौँको चोभार क्षेत्रमा बस, ट्यांकर र मोटरसाइकल एक आपसमा ठोक्किँदा सडक दुर्घटना भएको छ । दुर्घटनापछि ट्यांकर पल्टिएको छ भने अन्य सवारीसाधनमा पनि क्षति पुगेको प्रहरीले जनाएको छ ।
दुर्घटनापछि केही समय सडक अवरुद्ध भएको थियो । त्यसपछि सुरक्षा निकायले पल्टिएको ट्यांकर हटाउने कार्य सुरु गरेसँगै सडकलाई एकतर्फी रूपमा सञ्चालनमा ल्याइएको छ ।
प्रहरीका अनुसार दुर्घटनामा मानवीय क्षति भएको वा नभएको विषयमा विस्तृत विवरण आउन बाँकी छ। घटनाको कारण र क्षतिको यकिन विवरण संकलन गर्ने तथा आवश्यक अनुसन्धान अघि बढाइएको जनाइएको छ ।
.jpg)
.jpg)
