काठमाडौँ : पर्साको पकहाँ मैनपुर गाउँपालिका-१ स्थित धोरे-सिधौलिया सीमावर्ती क्षेत्रमा धान रोपिरहेका बेला चट्याङ पर्दा सात जना महिला घाइते भएका छन् ।
वर्षासँगै परेको चट्याङबाट स्थानीय शान्तिदेवी सहनी (अन्दाजी ५५), राधिका देवी सहनी (अन्दाजी ५५), रिता देवी सहनी (अन्दाजी ५५), कुश्मी देवी सहनी (अन्दाजी ५२), सन्ध्या देवी (अन्दाजी ४२), प्रमीला सहनी (अन्दाजी ३५) र संगीता देवी (अन्दाजी ३५) घाइते भएको प्रहरीले जनाएको छ ।
घाइतेमध्ये शान्तिदेवी सहनीको स्थानीय अस्पतालमा उपचार भइरहेको छ। उनको स्वास्थ्य अवस्था सामान्य रहेको जनाइएको छ ।
अन्य छ जनालाई उपचारका लागि भारतको रक्सौलस्थित डंकन अस्पताल लगिएको छ । उपचाररतमध्ये कुश्मी देवी सहनीको अवस्था गम्भीर रहेको छ भने बाँकी पाँच जनाको स्वास्थ्य अवस्था मध्यम रहेको प्रहरीले जनाएको छ ।
घटनाबारे थप अनुसन्धान भइरहेको प्रहरीले जनाएको छ ।
.jpg)
.jpg)
