काठमाडौं : नेपाल इन्भेस्टमेन्ट मेगा बैंकले विशेष सुविधासहितको गाडी कर्जा योजना सार्वजनिक गरेको छ । यस योजनाअन्तर्गत बैंकका ग्राहकवर्गले आकर्षक ब्याजदरमा सजिलैसँग गाडी खरिद गर्न सक्ने भएका हुन् ।
बैंकले हालका लागि गाडी कर्जाको ब्याजदर केबल ६ दशमलव २९ प्रतिशत (२०८२ भाद्र महिनाको आधारदर ५ दशमलव ७९ प्रतिशतमा शून्य दशमलव ५ प्रतिशत थप गरी हुन आउने ६ दशमलव २९ प्रतिशत) कायम गरेको छ । आगामी दसैं, तिहार तथा छठ पर्वलाई लक्षित गर्दै ल्याइएको यस योजनाले चाडपर्वको उत्सवमा नयाँ गाडीको सपना पूरा गर्न चाहने ग्राहकलाई थप सहजता हुने बैंकले अपेक्षा गरेको छ ।
सीमित समयका लागि मात्र लागू रहने यस विशेष सुविधा नेपाल इन्भेस्टमेन्ट मेगा बैंक लिमिटेडका देशभरका शाखाहरूबाट लिन सकिने बैंकले जनाएको छ ।
