काठमाडौं : राष्ट्रिय स्वतन्त्र पार्टी (रास्वपा)का प्रमुख सचेतक सन्तोष परियारले संसद् अवरोध अन्त्यका लागि संवादको ढोका खुला राखेर रास्वपा अघि बढिरहेको बताएका छन् ।
सभामुखुँग शुक्रबार सिंहदरबारमा भदौ महिनाको कार्यसूचीबारे छलफलपछि सञ्चारकर्मीहरुसँग कुरा गर्दै उनले यस्तो बताएका हुन् । उनले सरकारले आफूहरुका मागहरु सुन्न नचाहेको भन्दै आफ्ना मागहरुप्रति सरकार गम्भीर बन्नुपर्ने बताए ।
सभामुख देवराज घिमिरेले त्यसका लागि पहल गरिदिएको पनि उनले बताए । उनले सभामुखसँग भदौ महिनाको कार्यतालिका बनाउने विषयमा छलफल भएको पनि बताए ।
उनले आगामी दिनको संसद कसरी प्रभावकारी बनाउने भन्नेबारेमा छलफल गरेको बताए । त्यस्तै संसद भदौको ४, ५ र ६ गते सञ्चालन गर्ने पनि उनले उल्लेख गरे ।
प्रमुख सचेतक परियारले सभामुख घिमिरेले सांसदहरु सबै उपस्थित भएर विधेयकहरुमाथि छलफल गर्दा राम्रो हुने बताएको पनि जानकारी दिए ।
.jpeg)
