मलेसिया : मलेसियाको क्वालालम्पुरमा सम्पन्न आठौं जेविन मलेसिया ओपन तेक्वान्दो प्रतियोगितामा नेपाली टोलीले उत्कृष्ट प्रदर्शन गर्दै तीन स्वर्ण र एक रजत पदक जितेको छ ।
पुरुष ४० केजीमुनि तौल समूहमा केनिश खड्काले फाइनलमा मलेसियन प्रतिस्पर्धीलाई पराजित गर्दै स्वर्ण पदक तथा च्याम्पियनसिप बेल्ट हात पारे ।
त्यस्तै, ६६ केजी तौल समूहमा गोविन्द योञ्जन तामाङले पाकिस्तानका खेलाडीलाई पराजित गर्दै स्वर्ण र बेल्ट जिते ।
स्पिड किक विधामा आयुश बोहराले मलेसियन खेलाडीमाथि विजय हासिल गर्दै स्वर्ण तथा बेल्ट आफ्नो बनाएका छन् ।
७४ केजीमुनि सन्दीप बस्नेत भने फाइनलमा पाकिस्तानी खेलाडीसँग पराजित हुँदै रजत पदकमा सीमित भए ।
नेपाली टोलीका प्रशिक्षक श्रीकृष्ण खड्का, म्यानेजर गणेशबहादुर खड्का र टोली प्रमुख महेन्द्रराज घिमिरे रहेका थिए ।
.jpg)
.jpeg)
