ओबराज शाही/मध्यान्ह
हुम्ला : हिमाली जिल्ला हुम्लामा तुवाँलोले हवाइ सेवा प्रभावित भएको छ । शनिबार बिहानैदेखि बाक्लो तुवाँलो लागेको कारण घाम नलाग्दा हवाइ सेवा प्रभावित भएको हो ।
सिमकोट विमानस्थल क्षेत्र र मुख्य हवाइ सेवा अवतरण गर्ने मुख्य प्रवेशद्वार क्षेत्रमा बिहानैबाट बाक्लो तुवाँलो लागेको कारण हवाई सेवा अवरुद्ध हुँदै आएको छ । शनिबार हुम्लाका लागि कुनै पनि हवाइ सेवा तुवाँलोका कारण उडान गर्न सकेन ।
बाक्लो तुवाँलोको कारण भिजिविलिटी एकदमै कम भएपछि उडान हुन नसकेको सिमकोट विमानस्थल स्रोतले जनाएको छ ।
हुम्लामा आगलागी नभएपनि देशका विभिन्न जंगल र वस्तीमा आगलागीको कारण त्यसको प्रभाव हिमाली जिल्लाहरुमा पनि परेको देखिन्छ । अरु मौसम ठिकै भएपनि बिहानैबाट बाक्लो तुवाँलो लागेको कारण सिमकोट आसपासको क्षेत्रमा दुई सय मिटर दुरी पनि नदेखिने अवस्था रहेको छ ।
एकातिर जहाज काठमाडौं फर्किएको कारण कम उडान भइरहेको अवस्था छ । त्यसैमा तुवाँलोका कारण उडानै रद्द हुँदै जाने अवस्था रहेको देखिन्छ । दैनिक एक दुई उडान हुने भएपनि त्यो समेत प्रभावित भएको छ । तुवाँलोका कारण हवाइ जहाजले उडान पनि नभरेको देखिन्छ । उडान नभएको कारण यात्रुहरु मर्कामा परेका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies