सत्येन्द्र प्रताप सिंह/मध्यान्ह
रौतहट : प्रहरी चौकी बंकुलबाट खटिएको टोलीले भन्सार छली गरेर नेपाल भित्र्याइएको कुखुरा बरामद गरेको छ । बौधिमाई नगरपालिका वडा नं. ७ स्थित भारतबाट अवैध रुपमा भन्सार छलि चोरी पैठारी गरी नेपाल ल्याइएको ब्रोइलर कुखुरा साइकलमा लोड गरी नेपाल ल्याउँदै गरेको अवस्थामा बरामद गरिएको हो ।
प्रहरी टोलीलाई देखेपछि ब्रोइलर कुखुरा फालेर साइकल लिइ उक्त व्यक्ति फरार भएका थिए । बरामद गरिएको १ सय ६ वटा ब्रोइलर कुखुरा जिल्ला प्रहरी कार्यालय रौतहटको प्राङ्गणमा जनप्रतिनिधि, सञ्चारकर्मीहरु तथा प्रहरी समेतको रोहवरमा नष्ट गरिएको जिल्ला प्रहरी कार्यालय गौरकी प्रहरी नायव उपरीक्षक एलिजा गिरीले जानकारी दिइन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies