कमल कुमाल/मध्यान्ह
कालीकोट : पछिल्लो समय कालीकोट जिल्लामा औलो संक्रमणको जोखिम घट्दै गएको पाइएको छ । विश्व औलो दिवसका अवसरमा स्वास्थ्य सेवा कार्यालय कालीकोटले गरेको अन्तरक्रियामा सो जानकारी गराइएको हो । अन्तरक्रियामा औलो रोगको अवस्थासम्बन्धी तथ्यांक सार्वजनिक गर्दै स्वास्थ्य सेवा कार्यालय कालीकोटका सुपरभाइजर कृष्णकुमार बिष्टले गत वर्ष कालीकोटमा औलो रोगका दुई जना बिरामी भेटिएको र यो वर्ष हालसम्म कुनै पनि औलो रोगका बिरामी नभेटिएको बताए ।
‘औलोविरुद्ध लडाईंलाई तीव्रता दिऔं, समतामुलक पहुँचको सिर्जना गरौं’ भन्ने मूल नाराका साथ जिल्ला स्वास्थ्य सेवा कार्यालय कालीकोटको आयोजनामा जिल्लास्थित विभिन्न सञ्चारमाध्यमा कार्यरत पत्रकारका साथै महिला स्वयमसेवीकाहरुको उपस्थितिमा कार्यक्रमको आयोजना गरिएको थियो ।
अन्तरक्रिया कार्यक्रममा स्वास्थ्य सेवा कार्यालय कालीकोटका सूचना अधिकारी तथा जनस्वास्थ्य अधिकृत कटकबहादुर महतले औलोे लामखुट्टेको टोकाइबाट सर्ने भएकाले यसको नियन्त्रणका लागि वातावरण सरसफाईसँगै अन्य देशबाट स्वदेश फर्केकाहरूसँग विशेष ख्याल गर्न आग्रह गरे ।
तापक्रम वृद्धिकै कारण तराइका विभिन्न माध्यमबाट लामखुट्टे हिमाली क्षेत्रमा पुगेर त्यहाँको फोहर, खाल्डाखुल्डीमा वृद्धि हुन थालेको छ । सामान्य तया ज्वरो आउनु, पसिना बग्नु, टाउको दुख्नु, लगायतका लक्षण देखिएको खण्डमा तत्काल नजिकैको स्वास्थ्य संस्थामा गएर उपचार गराउन मेडिकल अधिकृत डा.चन्द्रा शाहले सुझाव दिए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies